سپریم کورٹ نے 100ورھے پرانا کیس نبیڑ دتا

اسلام آباد(پاکستان پوائنٹ نیوز30۔جنوری2018ء) سپریم کورٹ نے 100ورھے پرانے مقدمے دا فیصلا سنا دتا، پاکستان دی ونڈ مگروں ملکی عدالتاں وچ وی وراثت دا کیس چلدا رہیا۔ میڈیا رپورٹس مطابق سپریم کورٹ نے اج 100ورھے پرانے مقدمے دا فیصلا سنا دتا اے۔ پاکستان دی ونڈ توں پہلاں شہاب الدین دی ملکیتی زمین دا جھیڑا عدالتاں وچ اپڑیا۔ خیرپور ٹامیوالی وچ 5600کنال زمین دا کیس 1918توں شروع ہویا۔ ٹرائل کورٹس توں معاملا 2005وچ سپریم کورٹ آیا۔ چیف جسٹس سپریم کورٹ جسٹس ثاقب نثار نے اج کیس دی سنوائی کیتی۔ چیف جسٹس نے 5600کنال زمین شریعت مطابق وارثاں وچ ونڈن دا حکم دتا۔ چیف جسٹس نے ریمارکس دتے کہ عدالت کسے نوں وی شرعی وراثتی حصے توں محروم نہیں کر رہی۔