مریدکے(پاکستان پوائنٹ نیوز29۔جنوری2018ء) وفاقی وزیر برائے دفاعی پیداوار رانا تنویر حسین نے آکھیا اے کہ امریکی دباء قبول نہیں کراں گے، ہن جے معلومات دے بغیر امریکا نے ڈرون حملا کیتا تے ڈرون ڈیگ دیواں گے۔ تفصیل مطابق وفاقی وزیر برائے دفاعی پیداوار رانا تنویر حسین نے آکھیا اے کہ امریکی دباء قبول نہیں کراں گے۔ اوہناں دا کہنا سی کہ پاکستان ذمے وار ایٹمی ملک اے۔
خطے وچ امن پاکستان دی وجہ توں اے۔ پاکستان آرمی تے قوم نے دہشت گردی خلاف جو قربانیاں دتیاں نیں دنیا وچ اوہدی مثال نہیں لبھدی۔ اوہناں نے آکھیا کہ امریکی ڈرون دے پاکستان اندر حملے برداشت نہیں کیتے جان گے۔ جو وی ڈرون ساڈی شیئرنگ دے بغیر پاکستان دی حد وچ آیا اوہنوں ڈیگ دیواں گے۔ اوہناں دا پاک امریکا تعلقات دے حوالے نال کہنا سی کہ امریکا نال ساڈے تعلقات پہلے وی چنگے تے دفاعی معاملات وچ اک دوجے نال مشورے چلدے سن۔ دہشت گردی خلاف امریکا تے ساڈا ایجنڈا اک اے پر کوئی ایہ سمجھے اسیں امریکا یاں کسے ملک اگے سالمیت خلاف جھکاں گے تے ایہ قبول۔
