لاہور(پاکستان پوائنٹ نیوز26۔جنوری2018ء) نادرا نے زینب دے قاتل عمران دے دوجے شناختی کارڈ بارے وضاحت کر دتی اے۔تفصیل مطابق گورنر پنجاب رفیق رجوانہ ولوں اج انکشاف کیتا گیا سی کہ قصور دی نکی بالڑی تے ہور معصوم بالاں د ے قاتل عمران نے دو شناختی کارڈ بنوائے ہوئے سن۔ ممکنہ طور اُتے عمران دے دوجے شناختی کارڈ اُتے بنک اکاؤنٹس ہو سکدے نیں۔اوہناں دا کہنا سی کہ ایس حوالے نال سٹیٹ بنک ولوں تفصیلاں وی منگیاں گئیاں نیں۔
پر ہن نادرا نے زینب دے قاتل عمران دے دوجے شناختی کارڈ دے حوالے نال وضاحت کر دتی اے۔ نادرا ولوں دسیا گیا اے کہ عمران دا دوجا شناختی کارڈ نمبر اصل وچ اوہدا (ب) فارم اے۔ سوشل میڈیا اُتے آن والا اوہدا شناختی کارڈ نمبر اصل وچ (ب) فارم نمبر ای اے۔ شناختی کارڈ بنوان اُتے (ب) فارم نمبر رد کر دتا جاندا اے۔
