لاہور(پاکستان پوائنٹ نیوز25۔جنوری2018ء) ڈی جی آئی ایس پی آر میجر جنرل آصف غفور نے آکھیا اے کہ 24جنوری نوں ڈرون حملا کسے خاص تھاں نوں ٹارگٹ کرن لئی کیتا گیا اے، افغان مہاجراں نوں نشانہ بنایا گیا اے، حملے وچ کسے دہشتگرد یاں دہشت گرد تنظیم نوں نشانہ نہیں بنایا گیا۔ تفصیل مطابق ڈی جی آئی ایس پی آر ولوں جاری ٹویٹ وچ آکھیا گیا اے کہ ڈرون حملے وچ صرف افغان مہاجراں دے عام لوکاں نوں ٹارگٹ کیتا گیا اے۔
ڈرون حملے نال پاکستان دے موقف نوں ہور ودھوتری ملی۔ اوہناں دا ہور کہنا سی کہ رہندے کُھندے دہشتگرد افغان مہاجراں وچ ہوسکدے نیں۔ پاکستان پہلے ای افغان مہاجراں دے ملک واپسی دا مطالبہ کر رہیا اے۔ اوہناں دا کہنا سی کہ افغان مہاجراں دی عزت نال واپسی بہت ضروری اے۔ پر ایہ ڈرون حملا کسے دہشت گرد اُتے نہیں کیتا گیا۔
