لاہور(پاکستان پوائنٹ نیوز24۔جنوری2018ء) زینب دے والد نے ملزم عمران نال ملاقات دا مطالبہ کیتا اے۔ زینب دے والد امین انصاری دا کہنا سی کہ عمران توں پُچھنا چاہنا واں کہ اوہنے اِنج کیوں کیتا، ایس وارات وچ ہور کون کون ملوث اے؟ تفصیل مطابق زینب دے والد امین انصاری نے زینب دے قاتل نال ملاقات کروان دا مطالبہ کیتااے۔ امین انصاری نے نجی ٹی وی چینل نال گل کردے ہوئے مطالبہ کیتا کہ دھی دے قاتل نال ملاقات کروائی جائے۔
اوہناں دا کہنا سی کہ میں عمران توں پُچھنا چاہنا واں کہ اوہنے اِنج کیوں کیتا، ایس وارات وچ ہور کون کون ملوث اے۔ اوہناں دا ہور کہنا سی کہ ملزم دے کردار دے حوالے نال کوئی نہیں جاندا سی۔ ملزم ساڈا محلے دار ضروری سی پر ایس گل دا نہیں پتا سی۔ امین انصاری دا ہور کہنا سی کہ ملزم دی گرفتاری وچ ساڈا اپنا کردار اے۔ زینب دے ماموں نوں پہلے ای ملزم اُتے شک سی، ایس لئی اوہدی گرفتار ممکن ہوئی۔
