لاہور(پاکستان پوائنٹ نیوز22۔جنوری2018ء) کُجھ دن پہلے لاہور ائر پورٹ توں باہرلے ملک 9کلو ہیروئن لیجان والی حسینہ ٹریسا نوں جدوں گرفتار کیتا گیا تے اوہنے تفتیش دوران کُجھ لوکاں دے ناں دسے، جہناں وچوں اک ناں گوجرانوالا توں تعلق رکھن والے ملزم شعیب دا وی سی۔ تفصیل مطابق ماڈل ٹریسا دے موبائل ریکارڈ نے تفتیش دا پاسا پلٹ دتا اے۔ ٹریسا نے شعیب توں گھر کرائے اُتے لیا ہویا سی تے دو دن ملزمہ ایسے گھر ای رہی پر ٹریسا نوں ہیروئن نال بھریا بیگ لاہور دے اک شہری نے دتا سی جہدی گرفتاری لئی کسٹمز حکام چھاپے ما رہے نیں۔
دوجے پاسے کسٹمز وسیلیاں دا کہنا اے کہ ٹریسا لئی اوہدے ملک چیک ری پبلک دے پاکستان وچ تعینات سفارتی عملے نے کسٹمز حکام نال رابطہ کیتا اے۔ رابطے دوران اوہناں نے درخاست کیتی اے کہ ملزمہ دے حوالے نال جو کیس درج کیتا گیا اے اوہدیاں تفصیلاں بارے دسیا جائے۔
