راولپنڈی(پاکستان پوائنٹ نیوز17۔جنوری2018ء) عوامی مسلم لیگ دے سربراہ شیخ رشید نے پچھلے سیاسی کیریئر دوران ہارس ٹریڈنگ دا اعتراف کر لیا۔ اوہناں دا کہنا سی کہ میں نواز شریف نال رلکے ہارس ٹریڈنگ کردا رہیا واں، اللہ میرے گناہ معاف کرے۔ تفصیل مطابق عوامی مسلم لیگ دے سربراہ شیخ رشید نجی ٹی وی چینل نال گل بات کر رہے سن۔ چالو سیاسی صورتحال بارے گل بات کردے ہوئے اوہناں نے شریف برادران نوں ڈاڈھی تنقید دا نشانہ بنایا۔
اوہناں دا کہنا سی کہ 28فروری توں پہلے پہلے استعفے آ جان گے۔ ساری قوم دی خاہش اے کہ چوراں توں جان چُھٹ جائے۔ چوراں دا ٹرائل ہونا چاہیدا۔ اوہناں نے آکھیا کہ ایہ کاروباری لوک نیں ملکی ادارے ویچے جا رہے نیں۔ جس طرحاں ایہ ملک چل رہیا اے ایس طرحاں پان دی دُکان نہیں چلنی اوہناں نوں سزا ملنی اے۔ شیخ رشید دا ہور کہنا سی کہ میں نواز شریف نال رلکے ہارس ٹریڈنگ کردا رہیا واں، اللہ میرے گناہ معارف کرے۔ اوہناں دا کہنا سی کہ جو کُجھ ہونا 60دناں وچ ہو جائے گا۔
