ہوائی جہاز دا ٹکٹ صرف 99رُپئے دا

نویں دِلی(پاکستان پوائنٹ نیوز17۔جنوری2018ء) سستا ہوائی سفر کروان والی ا’ئر ایشیا کمپنی‘ نے بنگلور، کوچی، حیدر آباد، کولکتہ، نویں دہلی، پنے تے رانچی لئی 99رُپئے دے بدلے ہوائی جہاز دے سفر دی آفر کیتی اے۔ بھارتی ٹی وی مطابق کمپنی نے اک بیان وچ آکھیا کہ ملک دے ست وڈے شہراں دے ہوائی سفر لئی بنیادی کرائے توں اڈ کُجھ بُہتے پیسیاں والے ٹکٹ دے ہوائی سفر دا مزہ لے سکدے نیں۔ ایس توں وکھ بین الاقوامی اُڈاناں لئی وی آفرز نیں۔ ایس آفر دے تحت 1499رُپئے وچ بالی، آکلینڈ، بنکاک، کوالالمپور، میلبورن، سنگاپور تے سڈنی دا سفر کیتا جا سکدا اے۔ ایہ سہولت 21جنوری تیکر بکنگ کران والیاں لئی اے۔ ٹکٹ بک کران مگروں 31جولائی تیکر سفر کر سکدے نیں۔