لاہور(پاکستان پوائنٹ نیوز17۔جنوری2018ء) لاہور ائر پورٹ اُتے ہیروئن سمگل کردے پھڑی جان والی چیک ری پبلک دی ماڈل نے تفتیش دوران انکشافات کر دتے۔ تفصیل مطابق ماڈل دا کہنا سی کہ اسلام آباد تے لاہوروں پہلے وی منشیات لے کے جاندی رہی آں۔ نشہ فرانس اٹلی تے ڈبلن سمگل کیتا۔ پر لندن لیجاندے ہوئے پھڑی گئی۔ کسٹم حکام دی تفتیش دوران غیر ملکی ماڈل دا کہنا سی کہ میرے کول لندن وچ رہن والے اک بندے دی تصویر ہے اے جہدے نال میری گل بات ہوندی اے۔ ماڈل دا کہنا اے کہ ہر چکر اُتے مینوں 5توں ساڈھے 5ہزار یورو ملدے سن تے ایہ مینوں اوتھوں ملدے سن جتھے میں نشہ اپڑاندی ساں۔ گرفتار غیر ملکی ماڈل نوں 24جنوری نوں فیر عدالت ساہمنے پیش کیتا جائے گا۔
ہیروئن لیجاندے ہوئے پھڑی جان والی غیر ملکی ماڈل نے انکشافات کر دتے
6 سال پچھے
