سرگودھا(پاکستان پوائنٹ نیوز16۔جنوری2018ء) پنجاب حکومت دیاں اوکڑاں وچ وادھا ہوندا جا رہیا اے۔ طاہر القادری مگروں پیر حمید الدین سیالوی نے لاہور وچ دھرنے دا اعلان کر دتااے۔ تفصیل مطابق پیر حمید الدین سیالوی نے گولڑہ شریف وچ غلام نظام الدین جامی نال ملاقات مگروں علماء دے وفد نال گل بات کردے ہوئے آکھیا کہ 20جنوری نوں داتا دربا ساہمنے دھرنا ہوئے گا۔
اوہناں دا کہنا سی کہ رانا ثناء اللہ دا استعفا لِتے بغیر واپسی نہیں ہوئے گی۔ اوہناں نے آکھیا کہ پنجاب بھر دے مشائخ ایس گل اُتے راضی نیں کہ رانا ثناء اللہ فساد دی جڑ اے۔ رانا ثناء اللہ نے قادیانیاں تے مرزائیاں دے حق وچ بیان دتا، اوہ کسے وی حوالے نال برداشت جوگ نہیں۔ ختم نبوتﷺ ہر مسلمان دا بنیادی عقیدہ اے۔ ایس موقعے تے پیر سیالوی نے اک وار فیر20جنوری نوں داتا دربا ساہمنے دھرنا دین دا اعلان کیتا۔
