دنیا دا سفر کرن والا جرمن جوڑا پاکستان اپڑ گیا: پاکستانیاں دی پروہن چاری نے جرمنی جوڑے دا دل خوش کردتا

بہاولپور(پاکستان پوائنٹ نیوز16۔جنوری2018ء) دنیا دا سفر کرن والا جرمن جوڑا پاکستان اپڑ گیا اے۔ تفصیل مطابق دنیا بھر دی سیر کرن والا جرمن جوڑا پاکستان دے شہر بہاولپور اپڑ گیا اے۔ جرمنی جوڑے دا کہنا ا ے کہ اوہناں نوں پاکستان وچ کیتے وی سکیورٹی دی ضرورت نہیں پئی تے اوہناں نے بے فکر ہو کے پاکستان دی سیر کیتی اے۔ جرمنی جوڑے نے پاکستان نوں خوبصورت ترین ملک قرار دیندے ہوئے آکھیا کہ ایہ ساڈے ملک توں بہت وکھرا اے۔ ایتھوں دے لوک بہت چنگے تے پروہنیاں دی خدمت کرن والے نیں۔