بنوں(پاکستان پوائنٹ نیوز15۔جنوری2018ء) خیبرپختونخوا دے شہر بنوں وچ 5ورھیاں دی بالڑی نوں مبینہ زیادتی مگروں قتل کر دتا گیا اے۔ تفصیل مطابق قصور مگروں ہن بنوں وچ اک نکی بالڑی نوں جنسی درندگی دا نشانہ بنا دتا گیا اے۔ نجی ٹی وی چینل دے پروگرام وچ گل بات کردے ہوئے پاکستان تحریک انصاف دے رکن قومی اسمبلی علی محمد خان نے اک افسوسناک خبر دتی۔ علی محمد خان نے دسیا کہ خیبرپختونخوا دے شہر بنوں وچ اک 5ورھیاں دی بالڑی نوں مبینہ طور اُتے زیادتی دا نشانہ بنا کے قتل کر دتا گیا ۔
بالڑی نوں قتل کر کے اوہدی لاش پیلیاں وچ سُٹ دتی گئی جہنوں پولیس نے برآمد کر لیا اے۔ علی محمد خان دا کہنا اے کہ اوہ ایس کیس دی آپ نگرانی کرن گے تے پوری کوشش کرن گے کہ پولیس قتل وچ ملوث ملزماں نوں گرفتار کرے اوہناں نوں سخت سزا دیوے۔
