مسلم لیگ (ن) تے (ق) لیگی ارکان عبدالقدوس بزنجو نوں وزیراعلا بلوچستان بنان اُتے راضی

کوئٹہ(پاکستان پوائنٹ نیوز11۔جنوری2018ء) مسلم لیگ (ن) تے (ق) لیگی ارکان میر عبدالقدوس بزنجو نوں وزیر اعلا بلوچستان بنان بارے راضی ہو گئے، قائد ایوان بلوچستان اسمبلی دا اعلان کُجھ چِر پچھوں پریس کانفرنس وچ کیتا جائے گا۔ میڈیا رپورٹس مطابق وزیر اعلا بلوچستان ثناء اللہ زہری دے استعفے مگروں صوبائی کابینہ تحلیل اے۔ بلوچستان وچ ہن نویں قائد ایوان لئی حکومتی و اپوزیشن جماعتاں وچ جوڑ توڑ دا سلسلا جاری اے۔ وزیر اعلا بلوچستان لئی سرفراز بگٹی، صالح بھوتانی چنگیز مری، میر جان جمالی تے عبدالقدوس بزنجو دے ناں دوڑ وچ شامل سن۔ پر مسلم لیگ (ن) تے مسلم (ق) نے سانجھے امیدوار عبدالقدوس بزنجو دے ناں اُتے اک ہو گئے نیں۔