نویں سی سی ٹی وی فوٹیج ملی اے،قاتل دی پچھان کرن وچ آسانی ہوئے گی، کوشش اے آؤندے 8توں 9گھنٹیاں وچ قاتل نوں گرفتار کرلیا جائے: پولیس

قصور(پاکستان پوائنٹ نیوز10۔جنوری2018ء) قصور پولیس دا دعوا اے کہ زینب دے قاتل نوں آؤندے 8توں 9گھنٹیاں وچ گرفتار کر لیا جائے گا۔ تفصیل مطابق قصور وچ بالڑی زینب نوں زیادتی مگروں قتل کیتے جان دے واقعے دی کوشش دے سلسلے وچ وڈی پیش رفت ہوئی اے۔ پولیس ولوں دسیا گیا اے کہ نویں سی سی ٹی وی فوٹیج ملی اے۔ فوٹیج وچ قاتل دی پچھان کرن وچ آسانی ہوئے گی۔ پولیس دا دعوا اے کہ ایس سی سی ٹی وی فوٹیج دی مدد نال کوشش اے کہ آؤندے 8توں 9گھنٹیاں وچ قاتل نوں گرفتار کرلیا جائے۔ پولیس دا دعوا اے کہ مجرم نیڑے اپڑ گئے آں۔ دوجے پاسے بالڑی دے ماں پیو ولوں الزام لایا جا رہیا اے کہ پولیس دا ایس سارے واقعے وچ مندا کردار رہیا اے۔ پولیس نے معاملے دے حل لئی کُجھ نہیں کیتا۔