موہنجوداڑوفلم بنان والے سندھی قوم توں منگن: وزیر ثقافت سندھ

موہنجوداڑوفلم بنان والے سندھی قوم توں منگن: وزیر ثقافت سندھ

ٹھٹہ(پاکستان پوائنٹ نیوز05۔ستمبر2016ء) سندھ دے وزیر ثقافت، سیاحت و آثار قدیمہ سردار علی شاہ نے ہندوستانی فلم موہنجوداڑو دے حوالے نال سخت ردعمل دا وکھالا کردے ہوئے آکھیا اے کہ فلم دے ڈائریکٹر نوں تواریخی سچائیاں نوں مسخ کرن تے 5 ہزار سال پرانی تہذیب یافتا ثقافت دا مذاق اُڈان اُتے سندھی قومی کولوں معافی منگنی چاہیدی ۔ میڈیا رپورٹ دے مطابق پیر دے دیہاڑے مکلی قبرستان دے دورے اُتے پرچا کاراں نال گل بات کردے ہوئے سردار علی شاہ نے آکھیا کہ اوہ جلدی ای سندھ دے ردعمل تے اعتراضاں دے حوالے نال فلم دے ڈائریکٹر نال گل بات کرن گے۔

اوہناں دا کہنا سی کہ فلم وچ ہڑپہ جنگ تے لیوی دی بازیابی وکھائی گئی جدکہ ایہ صرف فلم بنان والیاں دی ذہنی کمزوری اے تے اوہدا موہنجوداڑو تہذیب نال کوئی تعلق نہیں۔ یاد رہوے کہ بولی ووڈ ادکار ہریتھیک روش دی فلم ”موہنجودڑو“ چالو ورھے 12 اگست نوں ریلیز کیتی سی۔