کراچی(پاکستان پوائنٹ نیوز04۔جنوری2018ء) شکریہ راحیل شریف مگروں شکریہ چیف جسٹس دے بینر لگ گئے نیں۔ تفصیل مطابق لوک ہمیشہ ای خواص دی محبت تے توجہ دے طلبگار ہوندے نیں تے اوہناں نوں جتھوں وی توجہ ملے اوہ اوسے دے چاہیوان ہو جاندے نیں۔ جدوں سابق چیف آف آرمی سٹاف راحیل شریف نے اپنے دور وچ بھرپور طریقے نال دہشت گردی خلاف اقدامات کیتے تے پاکستانی لوکائی نے اوہناں دیاں کوششاں نوں سلاہندے ہوئے اوہناں دے حق وچ ملک بھر وچ بینر لائے ، جہناں اُتے شکریہ راحیل شریف دے نعرے لکھے سن۔
چالو صورتحال مطابق کراچی وچ شکریہ راحیل شریف مگروں شکریہ چیف جسٹس دے بینر وی لگ گئے نیں۔ یاد رہوے کہ کُجھ سیاستداناں نے چیف جسٹس نوں اوہناں دے ہسپتالاں دے دوریاں اُتے تنقید کردے ہوئے آکھیا گیا سی کہ اوہ لیڈر بننا چاہندے نیں۔
