اسلام آباد(پاکستان پوائنٹ نیوز04۔جنوری2018ء) وفاقی وزیر دفاع خرم دستگیر نے آکھیا اے کہ پاکستان دا دفاع مضبوط اے،پاکستان دے تحفظ بارے کسے قسم دا خوف نہیں، امریکا دی ہر متوقع شرارت دا ساہمنا کرن لئی بالکل تیار آں، پاکستان اپنے وسائل نال دہشت گردی خلاف جنگ لڑ رہیا اے، امریکا جہنوں امداد آکھ رہیا اے اوہ اصل وچ سپورٹ کولیشن فنڈز نیں، امریکا نے سپورٹ کولیشن فنڈز دی مدد وچ پاکستان نوں 10ارب ڈالرز دینے نیں، امریکا نے بُہتی امداد پرویز مشرف دور وچ دتی، ڈکٹیٹراں نے جو کُجھ کیتا اوہدا حساب جمہوری حکومتاں دے رہیاں نیں، اک پاسے ٹرمپ پاکستان نوں دھمکیاں دے رہیا اے دوجے پاسے امریکی ایڈمنسٹریشن دا وہ حصہ وی اے جو سفارتی آداب دے اندازوچ اپنے نشانے حاصل کرنا چاہندا اے۔
میڈیا نال گل بات کردے ہوئے وزیر دفاع دا کہنا سی کہ پاکستان اپنا دفاع کرن دی پوری صلاحیت رکھدا اے۔ پاکستان اپنے وسائل نال دہشت گردی خلاف جنگ لڑ رہیا اے۔ امریکی امداد نہ ہون دے برابر اے امریکا دا امداد روکنا ساڈے لئی اچنبے دی گل نہیں، امریکا نے سپورٹ کولیشن فنڈز دی مد وچ پاکستان نوں 10ارب ڈالرز دینے نیں۔ اوہناں نے آکھیا کہ امریکا نے بُہتی امداد پرویز مشرف دور وچ دتی۔
ڈکٹیٹراں نے جو کُجھ کیتا اوہدا حساب جمہوری حکومتاں دے رہیاں نیں۔ اوہناں دا کہنا سی کہ امریکا جہنوں امداد آکھ رہیا اے اوہ سپورٹ کولیشن فنڈز نیں۔ پاکستان افغان بھوئیں اُتے امن تے افغان مہاجراں دی عزت نال واپسی چاہندا اے۔ وفاقی وزیر دفاع دا کہنا سی کہ پاکستان امریکا نال برابری دی بنیاد اُتے تعلقات چاہندا اے۔ ہن پاکستان امریکی جنگ اپنی بھوئیں اُتے نہیں لڑے گا۔ اوہناں نے آکھیا کہ پاکستان دے تحفظ بارے سانوں کسے قسم دا خوف نہیں ہونا چاہیدا۔ پاکستان دا دفاع مضبوط اے۔
