گجرات(پاکستان پوائنٹ نیوز05۔ستمبر2016ء) گجرات وچ معین الدین پورا دے علاقے وچ پرانی دشمنی اُتے میاں بیوی تے اوہناں دے 3 بالاں نوں قتل کر دِتا گیا۔ تفصیل دے مطابق گجرات دے علاقے معین الدین پورا وچ ہتھیار بندیاں ولوں مقامی بنک دے منیجر طارق تصور عباس دے گھر و چ فائرنگ کرکے 5 بندیاں نوں قتل کر دِتا۔ فائرنگ دے واقعے وچ ہلاک ہون والیاں وچ گھر دے سربراہ تصور عباس سنے بیوی سامعہ، 17 ورھیاں دا پُتر مرسل، 15 ورھیاں دا سلیمان تے 12 ورھیاں دا آرمیکا شامل نیں۔
طارق عباس مقامی چیئرمین سید عدیل شاہ دا جوائی سی۔ ڈی پی او گجرات سہیل ظفر چھٹہ دا کہنا اے کہ واقعے دیاں تحقیقات دا جائزا لے رہے آں پر مڈھلی تفتیش دے مطابق واقعا پرانی دشمنی دا بدلا لگدا اے کیوں جے ایس توں پہلے وی ایسے خاندان دا جھیڑا لگا آ رہیا اے سی۔ پولیس نے لاشاں نوں پوسٹ مارٹم لئی ہسپتال منتقل کر دِتا۔ دوجے پاسے وزیر اعلا پنجاب نے واقعے دا نوٹس لیندے ہوئے متعلقا حکام توں رپورٹ منگ لئی۔
