دانیال عزیز ساہمنے قیدیاں نے ایس طرحاں دے نعرے لائے کہ اوہ شرمند ہ ہوگئے

لاہور(پاکستان پوائنٹ نیوز02۔جنوری2018ء) پاکستان مسلم لیگ (ن) دے رہنما دانیال عزیزلاہور وچ میڈیا ارکان نال گل بات کر رہے سن کہ کولوں قیدیاں دی گڈی لنگھی، جدوں قیدیاں نے ویکھیا کہ دانیال عزیز میڈیا نال گل بات کردے رہے نیں تے اوہناں نے دانیال عزیز ول ویکھ کے ’گو نواز گو‘ دے نعرے لا دتے ۔ قیدیاں دے نعریاں اُتے دانیال عزیز سنے کول کھلوتے پرچا کاراں نے ہسنا شروع کر دتا۔یاد رہوے کہ کُجھ دن پہلے وی پاکستان مسلم لیگ (ن) دے سینئر رہنما طلال چودھری تے عابد شیر علی نے اک تقریب وچ رلت کیتی سی ۔ تقریب دوران اوہناں نوں وی ’گو نوازگو، ورگے نعریاں دا ساہمنا کرنا پیا تے اوہ تقریب راہ وچ چھڈ کے پرت گئے۔