کرپٹ سیاستداناں دی سزا صرف پھانسی ہونی چاہیدی: جمشید دستی

اسلام آباد(پاکستان پوائنٹ نیوز01۔جنوری2018ء) مشہور سیاستدان جمشید دستی نے دبنگ بیان دیندے ہوئے آکھیا اے کہ کرپٹ سیاستداناں دی سزا موت ہونی چاہیدی۔ تفصیل مطابق نواز شریف دے دورہ سعودی عرب مگروں پاکستان دی سیاست وچ تھر تھلی پئی ہوئی اے۔ کُجھ سیاستدان ایس دورے نوں مُک مُکا دی بو آ کھ رہے نیں جدکہ کُجھ ایہنوں این آر او آکھ دے احتجاج کر رہے نیں۔ دوجے پاسے سارے سیاستدان ایس گل اُتے اکٹھے نیں کہ کرپٹ سیاستداناں لئی کسے وی قسم دی رعیت نہیں ہونی چاہیدی۔ کُجھ ایسے طرحاں دا بیان ای جمشید دستی نے دتا اے۔ مشہور سیاستدان جمشید دستی نے آکھیا اے کہ کرپٹ سیاستداناں نوں موت دی سزا ہونی چاہیدی۔ اوہناں دا کہنا ا ے کہ نااہل سیاستداناں نوں حکومت دا کوئی حق نہیں اے۔