سوئس بنکاں توں پاکستانیاں دے162ارب ڈالر واپس لیان لئی لسٹ تیار

لاہور(پاکستان پوائنٹ نیوز01۔جنوری2018ء) ایف بی آر نے اپنے کماں وچ تیزی وکھاندے ہوئے پاکستانی حکمراناں خلاف وی گھیرا تنگ کرن دا سوچ لیا اے، اجیہے حکمران جہناں نے ملکی دولت نوں اکٹھا کر کے سوئس بنکاں وچ لُکایا ہویا اے دے خلاف لسٹ تیار ہو گئی اے۔ قومی اخبار وچ چھپن والی رپورٹ مطابق ایف بی آر نے سوئس بنکاں وچ موجود 162ارب ڈالر دی واپسی لئی امیر بندیاں دی لسٹ تیار کر لئی اے۔یاد رہوے کہ کُجھ دن پہلے سوئس بنکاں ولوں اک رپورٹ چھپی سی۔ رپورٹ وچ پاکستانی حکمراناں دے 75ارب ڈالر سوئس بنکاں وچ موجود ہون دا انکشاف ہویا سی۔