لاہور(پاکستان پوائنٹ نیوز30۔دسمبر2017ء) ضمنی الیکشن وچ ہار توں ڈردے ہوئے مسلم لیگ (ن) نے سپیکرز نوں ہدایت کیتی اے کہ اوہ مستعفی ہون والے ارکان اسمبلی دے استعفے منظور نہ کرن۔قومی اخبار وچ چھپن والی رپورٹ مطابق مسلم لیگ (ن) ضمنی الیکشن وچ نہیں جانا چاہندی۔ ختم نبوتﷺ دے معاملے اُتے مستعفی ہون والے ارکان قومی و صوبائی اسمبلی دے استعفیاں دا معاملا نازک اے ایہو وجہ اے کہ حکومت اوہناں حلقیاں وچ الیکشن کروان دا رسک نہیں لے سکدی۔
قومی اخبار مطابق (ن) لیگی امیدوار جے ضمنی الیکشن وچ ہار جاندے نیں تے آؤندے جنرل الیکشن اُتے ایہدا ڈونگھا اثر پئے گا۔ تحریک تحفظ ختم نبوتﷺ دی وجہ توں ایس گل دی آس اے کہ پیر حمید الدین سیالوی دے آکھن اُتے استعفے دین والے ارکان دے حلقیاں وچ مسلم لیگ (ن) دی کامیابی مشکل ہوئے گی۔
