راولپنڈی(پاکستان پوائنٹ نیوز28۔دسمبر2017ء) پاک فوج دے ترجمان میجر جنرل آصف غفور نے آکھیا اے کہ کلبھوشن دی فیملی نال ملاقات لئی کوئی بیرونی دباء نہیں سی، ساڈے اُتے دباء ہوندا تے ملاقات نہ کرواندے بلکہ قونصلررسائی دیندے، کلبھوشن دی اپیل اُتے آرمی چیف ثبوت دی روشنی وچ فیصلا کرن گے۔ اوہناں نے اج میڈیا نوں بریفنگ دیندے ہوئے آکھیاکہ کلبھوشن نال فیملی دی ملاقات لئی کوئی دباء نہیں سی جے دباء ہوندا تے قونصلر رسائی دیندے۔
ایس لئی کوئی دباء نہیں سی۔ کلبھوشن دے مقدمے اُتے کوئی سمجھوتا نہیں ہوئے گا۔ کلبھوشن دی فیملی نال ملاقات نال مقدمے اُتے کوئی اثر نہیں پئے گا۔ اوہناں نے آکھیا کہ کلبھوشن دی اپیل اُتے آرمی چیف ثبوت دی روشنی وچ فیصلا کرن گے۔اک سوال دے جواب وچ آکھیا کہ سی پیک اقتصادی منصوبہ ای نہیں بلکہ پاک چین تعلقات وچکار اک معاشی تعلق وی اے۔ سی پیک بارے کُجھ شیواں ریاست دی سطح اُتے ہو رہیاں نیں۔
حکومت پاکستان نے چین نال رلکے سی پیک دی ترقی لئی بہترین کم کیتا اے جدکہ سی پیک نوں سکیورٹی دینا پاک فوج دی ذمے واری سی پیک نوں سکیورٹی دینا اے۔ الحمد اللہ اسیں سکیورٹی دی حد تیکر پورا کم کر لیا اے۔ اوہناں نے آکھیا کہ سی پیک دی سلامتی نوں خطرے لاحق نہیں ہون گے۔ فوج دی ذمے واری سی پیک نوں تحفظ فراہم کرنا اے پر مخالف طاقتاں پاکستان نوں کمزور کرنا چاہندیاں نیں۔ اسیں اکٹھے ہو کے اوہناں دا مقابلا کراں گے۔ اوہناں نے آکھیا کہ لوکائی پاکستانی اداریاں اُتے اعتماد رکھن اسیں لوکائی نوں مایوس نہیں کراں گے۔
