نیب نے شریف خاندان خلاف رائے ونڈ روڈ ریفرنس دائر کرن دا فیصلاکر لیا

لاہور(پاکستان پوائنٹ نیوز27۔دسمبر2017ء) نیب نے شریف خاندان خلاف اک ہور ریفرنس دائر کرن دی منظوری دے دتی، نیب نے نواز شریف تے شہباز شریف خلاف رائے ونڈ روڈ ریفرنس دائر کرن دا فیصلا کر لیااے۔ تفصیل مطابق نیب نے شریف خاندان خلاف اک ہور ریفرنس دائر کرن دی منظوری دے دتی اے۔ فیصلا نیب بورڈ دے اجلاس وچ کیتا گیا اے۔ نیب مطابق نواز شریف تے شہباز شریف نے 2000وچ رائے ونڈ توں شریف فیملی ہاؤس تیکر دو پاسی سڑک بنائی۔ رائے ونڈ روڈ ریفرنس سڑک دی اُساری وچ مبینہ گھپلیاں خلاف ہوئے گا۔ نیب مطابق سڑک دی اُساری غیر قانونی اے۔ چیتے رہوے کہ نیب نے پہلے ای شریف خاندان خلاف احتساب عدالت چ تن ریفرنس دائر کیتے ہوئے نیں جہناں دی کارروائی احتساب عدالت وچ جاری اے۔