لاہور(پاکستان پوائنٹ نیوز21۔دسمبر2017ء) اینی کرپشن نواز شریف نے نہیں کیتی جِنی سی پیک وچ شہباز شریف نے کیتی اے، اے پی سی وچ تحریک انصاف تے عوامی لیگ بھرپور رلت کرے گی، اسحاق ڈار اینے ای پاک صاف نیں تے ہن واپس آ جان۔ اوہناں اج طاہر القادری نال ماڈل ٹاؤن وچ ملاقات مگروں اوہناں نال سانجھی پریس کانفرنس کردے ہوئے آکھیا کہ نواز شریف ملک نوں تباہی بربادی ول لیجانا چا ہندے نیں۔
شریف برادران ڈبل گیم کر رہے نیں۔ اوہناں دا کہنا سی کہ نواز شریف عالمی ایجنڈے دے تحت ملک نوں تباہ کر رہے نیں۔ شاہد خاقان عباسی وکٹ دے دوویں پاسے کھیڈ رہے یں۔ اوہناں نے آکھیا کہ ملک دے منصوبیاں وچ اینی کرپشن نواز شریف نے نہیں کیتی جِنی سی پیک وچ شہباز شریف نے کیتی اے۔ اوہناں نے آکھیاکہ اسحاق ڈار اینے ای پاک صاف نیں تے ہن واپس آ جان۔ اوہناں نے آکھیاکہ میں عمران خان نال رابطہ کیتا اے اج اوہناں دی وی نمائندگی کر رہیاواں۔
اے پی سی وچ تحریک انصاف تے عوامی لیگ بھرپور رلت کرے گی۔پریس کانفرنس دوران عوامی تحریک دے سربراہ ڈاکٹر طاہر القادری نے 28دسمبر نوں آل پارٹیز کانفرنس بلان دا اعلان کیتا۔ اوہناں نے آکھیاکہ اصل کیس ماڈل ٹاؤن دا اے باقی کیس اپنے ویلے سِر کُھلن گے۔ طاہر القادری نے آکھیاکہ نواز شریف دی تھاں شہباز شریف نوں لیان نال کوئی فرق نہیں پئے گا۔ شہباز شریف وزیر اعظم بندے ہوئے وکھالی نہیں آ رہے۔
