لاہور(پاکستان پوائنٹ نیوز21۔دسمبر2017ء) ایٹمی سائنسدان ڈاکٹر عبدالقدیر خان نال چیئرمین متروکہ وقف املاک بورڈ محمد صدیق الفاروق نے اُچیچی ملاقات کیتی، ملاقات دوران ٹرسٹ بورڈ راوی روڈ اُتے آئی کیو ہسپتال دے قیام لئی لیز اُتے تھاں دیوے گا۔ ہسپتال نوں لیز اُتے تھاں دین دا سمجھوتا طے ہو گیا اے۔ ڈاکٹر عبدالقدیر خان نے بورڈ دیاں قانونی شرطاں نوں مندے ہوئے لیز اُتے تھاں لین لئی سمجھوتے اُتے دستخط کیتے۔
چیئرمین بورڈ محمد صدیق الفاروق دا کہنا سی کہ ڈاکٹر عبدالقدیر دی ملکی و قومی خدمتاں اُتے فخر اے اوہناں دے ناں اُتے ہسپتال بنان لئی بھرپور تعاون کراں گے ۔ ایس موقعے تے سیکرٹری بورڈ میاں عبدالقدیر، ایڈمنسٹریٹر لاہور تنویز حسین، عبدالوحید خان تے ہور افسر وی موجود سن۔
