اسلام آباد(پاکستان پوائنٹ نیوز19۔دسمبر2017ء) آرمی چیف دا کہنا اے کہ فیض آباد د ھرنے دے وکھالویاں وچ پیسے وزیر اعظم دی ہدایت اُتے ونڈے ۔ تفصیل مطابق آرمی چیف جنرل قمر جاوید باجوہ منگل دے دیہاڑے سینیٹ دی قائمہ کمیٹی ساہمنے سوال جواب دے سیشن لئی پیش ہوئے۔ ایہ پہلا موقع اے کہ کوئی آرمی چیف سینیٹ وچ جواب دین لئی گیا ہوئے۔ ایس موقعے تے (ن) لیگ دے سینیٹر مشاہد اللہ خان ولوں فیض آباد دھرنے دا معاملا چُکیا گیا۔
مشاہد اللہ نے آرمی چیف توں سوال کیتا کہ فیض آباد دھرنے دے وکھالویاں نوں پیسے کس دے آکھن تے کیوں دتے؟ جواب وچ آرمی چیف نے آکھیا کہ دھرنے دے وکھالویاں نوں وزیر اعظم شاہد خاقان عباسی دی ہدایت اُتے پیسے دتے گئے۔اوہناں دا کہنا سی کہ دھرنے والے واپسی لئی پیسے منگ رہے سن ایس لئی اوہناں نوں پیسے دتے گئے۔
