اسلام آباد(پاکستان پوائنٹ نیوز12۔دسمبر2017ء) عوامی مسلم لیگ دے سربراہ شیخ رشید نے آکھیا اے کہ مولانا فضل الرحمن تے محمود خان اچکزئی افغان فنڈنگ اُتے کم کر رہے نیں‘ ایہ افغانستان دی خاہش نوں پورا کر رہے نیں، اسحاق ڈار کسے ہسپتال توں علاج نہیں کروا رہے بلکہ اوہ لندن وچ گھم رہے نیں، اوہناں نوں انٹرپول راہیں سدیا جائے۔ منگل نوں پارلیمنٹ دے باہر میڈیا نال گل بات کردے ہوئے شیخ رشید نے آکھیاکہ ایس ملک نوں مولانا فضل الرحمن تے محمود خان اچکزئی ہتھوں خطرہ اے۔
مولانا فضل الرحمان تے محمود خان اچکزئی افغان فنڈنگ اُتے کم کر رہے نیں ایہ افغانستان دیاں خاہشاں نوں پورا کر رہے نیں۔ شیخ رشید نے آکھیاکہ ایہ خوار ہون گے تے فاٹا اصلاحات دا بل پاس ہوئے گا۔ اوہناں دی قسمت خراب اے، حکومت پہلے وی بحران وچ اے۔ جِنا فائدہ مولانا فضل الرحمن تے محمود اچکزئی نے چُکیا سی چُک لیا اوہ وی اک دن حکومت دا ساتھ چھڈ دین گے۔ اوہناں نے آکھیاکہ اسحاق ڈار کسے ہسپتال وچ نہیں اے اوہ گھم پھر رہے نیں، اوہناں نوں انٹرپول راہیں سدیا جائے تے پیش کیتا جائے۔
