لاہور(پاکستان پوائنٹ نیوز11۔دسمبر2017ء) مسلم لیگ (ن) دے مرکزی رہنما و وفاقی وزیر عابد شری علی نے شرجیل میمن نوں آصف زرداری دا پُتر قرار دے دتااے، ایان علی دے شکر گزار آں کہ اوہ جاندے جاندے آصف زرداری نوں نچنا سکھا گئی، آؤندے الیکشن وچ عمران خان خیبرپختونخوا تے آصف زرداری سندھ توں ہتھ دھو بیٹھن گے۔ اوہناں نے اج میڈیا نال گل بات کردے ہوئے آکھیا کہ ختم نبوتﷺ دا معاملا حساس اے۔
ختم نبوتﷺ معاملے نوں مذاکرات راہیں حل کرنا چاہیدا۔ اوہناں نے آکھیا کہ اسیں ایان علی دے شکر گزار آں کہ ایان علی جاندے جاندے آصف زرداری نوں نچنا سکھا گئی اے۔ اوہناں نے شرجیل میمن نوں آصف زرداری دا پُتر قرار دیندے ہوئے آکھیا کہ آصف زرداری دے پُتر شرجیل میمن دے کمرے توں 5ارب نکیل نیں۔ عابد شیر علی نے آکھیا کہ آؤندے الیکشن وچ عمران خان خیبرپختونخوا تے آصف زرداری سندھ توں ہتھ دھو بیٹھن گے۔اوہناں د ا کہنا سی کہ آؤندے الیکشن وچ دوویں جماعتاں اپنیاں حکومتاں گوا دین گیاں۔
