لاہور(پاکستان پوائنٹ نیوز05۔دسمبر2017ء) وزیر اعلا پنجاب دی ہدایت اُتے ماڈل ٹاؤن دُکھانت دی رپورٹ پبلک کر دتی گئی، رپورٹ وچ وزیر اعلا یاں کسے حکومتی عہدیدار نوں ذمے وار نہیں آکھیا گیا، رپورٹ وچ ایہ ضرور اے کہ لوکاں نوں عوامی تحریک نے اُکسایا، میڈیا کلپس تے شہادتاں موجود نیں، اوہ کون سی جو ساری رات آکھدا رہیا کہ شہادت دا ویلا آ گیا اے۔ اوہناں نے لاہور ہائی کورٹ ولوں ماڈل ٹاؤن دُکھانت دی رپورٹ پبلک کرن دے حکم اُتے سربراہ عوامی تحریک ڈاکٹر طاہر القادری دے دھرنا دین دے اعلان اُتے پریس کانفرنس کردے ہوئے آکھیا کہ پنڈی دا اک شیطان آکھدا سی کہ رپورٹ وچ اجیہیاں شیواں نیں جو ساہمنے آن تے فلاں فلاں ہو جائے گا۔
ایہ صرف اک سیاسی پروپیگنڈا سی۔ اوہناں نے آکھیا کہ عدالت نے رپورٹ شائع کرن لئی 30دن دتے نیں۔ پنجاب حکومت میرٹ اُتے یقین رکھدی اے۔ اجے جے آئی ٹی رپورٹ تیار ہوئی نہیں سی کہ لاہور ہائی کورٹ دائر کر دتی گئی۔ جدوں رٹ سنوائی ہیٹھ سی تے اوس ویلے جے آئی ٹی دی کارروائی مکمل ہوئی۔ اوہناں نے آکھیا کہ رپورٹ جھیڑوی ہون کارن پبلک نہیں کیتی گئی۔ رانا ثناء اللہ نے انکشاف کیتا کہ رپورٹ وچ وزیر اعلا یاں کسے حکومتی شخصیت نوں ذمے وار نہیں ٹھہرایا گیا، موقعے تے موجود پولیس اہلکاراں نوں وی ذمے وار نہیں آکھیا گیا۔ اوہناں نے آکھیا کہ میدیا کول کلپس تے شہادتاں موجود نیں۔
