لاہور(پاکستان پوائنٹ نیوز04۔دسمبر2017ء) پاکستان مسلم لیگ (ن) نے مخدوم جاوید ہاشمی نوں پارٹی وچ واپس لین دا فیصلا بیگم کلثوم نواز دی رضا مندی اُتے چھڈ دتا اے۔ میڈیا رپورٹس مطابق سابق وزیر اعظم نواز شریف تے وزیر اعلا پنجاب وچکار مخدوم جاوید ہاشمی نوں پارٹی وچ واپس لین دے معاملے اُتے تفصیلی گل بات ہوئی سی تے پارٹی وچ وی مشورہ ہو رہیا اے ۔دوجے پاسے جاوید ہاشمی نوں پارٹی وچ واپس لین دے حوالے نال شریف خاندان وچ تحفظات موجود نیں۔
وسیلیاں مطابق شریف خاندان دا کہنا اے کہ جدوں جاوید ہاشمی پی ٹی آئی وچ گئے سن تے اوہناں نے ساڈیاں سوانیاں دا مان نہیں رکھیا۔ بیگم کلثوم نواز پارٹی معاملات وچ دخل نہیں دیندیاں پر اوہ آپ جاوید ہاشمی نوں منان لئی گئیاں پر اوہ کلثوم نواز ساہمنے اُٹھ کے چلے گئے سن۔ پر جاوید ہاشمی نال ملاقات وچ کوئی حرج نہیں اوہ ملن آن تے ملاقات دا ویلا دتا جائے گا۔ پر اوہناں دی مسلم لیگ (ن) وچ واپسی بیگم کلثوم نواز دی رضا مندی نال مشروط کر دتی گئی اے۔
