لاہور(پاکستان پوائنٹ نیوز29۔نومبر2017ء) قطری شہزادے حمد بن جاسم دا کہنا اے کہ قطر دی پاکستان وچ سرمایا کاری مسلم لیگ (ن) دی حکومت اُتے اعتماد دا نتیجہ اے۔ تفصیل مطابق قطری شہزادے حمد بن جاسم ایس ویلے پاکستان دے دورے اُتے نیں۔ ایس موقعے تے حمد بن جاسم نے لاہور وچ سابق وزیر اعظم میاں محمد نواز شریف تے وزیر اعلا پنجاب شہباز شریف نال وکھ وکھ ملاقات کیتی۔
حمد بن جاسم کراچی وچ پورٹ قاسم ٹرمینل دا افتتاح وی کرن گے۔ ایس موقعے تے قطری شہزادہ حمد بن جاسم دا کہنا سی کہ قطر دی پاکستان وچ سرمایا کاری مسلم لیگ (ن) دی حکومت اُتے اعتماد دا نتیجہ اے۔ اقتصادی پالیسیاں کارن قطر دے سرمایار کار پاکستان ول راغب ہوئے نیں۔ اوہناں د ا ہور کہنا سی کہ قطر دی پاکستان وچ سرمایا کاری حکومت دیاں چنگیاں پالیسیاں دا نتیجہ اے۔
