اسلام آباد(پاکستان پوائنٹ نیوز29۔نومبر2017ء) تحریک انصاف دے چیئرمین عمران خان نے آکھیا اے کہ عدالت نوں 60ڈاکومنٹس دِتے اک وی جھوٹھا نکلیا تے سیاست چھڈ دیواں گا، خواجا آصف دبئی دی کمپنی توں بطور لیگل ایڈوائزر 17لکھ رُپئے تنخاہ لیندے نیں، نواز شریف، خواجا آصف تے احسن اقبال منی لانڈرنگ کر رہے نیں۔ قوم نیب ول ویکھ رہی اے۔ اوہناں نے اج پریس کانفرنس کردے ہوئے دسیا کہ شریف فیملی لئی اقامہ منی لانڈرنگ دا زبردست طریقہ اے۔
خواجا آصف دا وی اقامہ ساہمنے آیا اے۔ اقامہ ثبوتاں نال ساڈے کول اے۔ عمران خان دا کہنا سی کہ خواجا آصف دبئی دی کمپنی توں بطور لیگل ایڈوائزر 17لکھ رُپئے تنخاہ لیندے نیں۔ خواجا آصف دی اک بیوی دے اکاؤنٹ وچ لکھاں درہم ٹرانسفر ہوئے۔ عدالت وچ کرپشن دے 60ڈاکو منٹس دتے اک وی جھوٹھا نکلیا تے سیاست چھڈ دیواں گا۔ احسن اقبال دا وی اقامہ اے۔اوہناں دا کہنا سی کہ نواز شریف، خواجا آصف تے احسن اقبال منی لانڈرنگ کر رہے نیں۔
قوم نیب ول ویکھ رہی اے۔ ملکی قرضہ 25ارب تیکر اپڑ گیا اے۔ عمران خان نے آکھیا کہ حکومت مفلوج ہو گئی اے۔ ویلے توں پہلاں الیکشن جمہوریت نوں مضبوط کر رہے نیں۔ اوہناں دا کہنا سی کہ ویلے توں پہلاں الیکشن کروان دا مطالبہ غیر جمہوری نہیں اے۔ جرمنی تے برطانیہ وچ وی ویلے توں پہلاں الیکشن ہوندا اے۔ اوہناں نے آکھیا کہ (ن) لیگ سینیٹ الیکشن دی اُڈیک وچ اے۔ (ن) لیگ دو یاں چار سیٹاں جِت وی جائے تے کیہ ہو جائے گا؟
