اسلام آباد(پاکستان پوائنٹ نیوز29۔نومبر2017ء) پاک چین اقتصادی راہداری منصوبے دی ضرورت پوری کرن لئی نیشنل ہائی ویز تے موٹر وے پولیس چھیتی ای دس ہزار بندیاں نوں نوکریاں دیوے گا۔ تفصیل مطابق وزیر مملکت برائے مواصلات نے وڈا اعلان کردے ہوئے آکھیاکہ آؤندے ویلے وچ پاک چین اقتصادی راہداری منصوبے تحت وڈی گنتی وچ لوکاں دی ضرورت پئے گی تے ایس سلسلے وچ نیشنل ہائی ویز تے موٹروے پولیس چھیتی ای دس ہزار بندیاں نوں نوکریاں دیوے گا۔
وزیر مواصلات محمد جنید انور چودھری نیشنل ہائی وے تے موٹروے پولیس ولوں منعقد کیتی گئی تقریب نال خطاب کر رہے سن۔ اوہناں دا کہنا سی کہ حکومت نے ملک دی خشحالی لئی بہت زیادہ پراجیکٹس شروع کیتے ہوئے نیں، جہناں وچ سڑکاں دی توسیع دے منصوبے بہت اہمیت جوگ نیں۔ ایس موقعے تے اوہناں نے نیشنل ہائی ویز تے موٹر وے پولیس دی کم کاری نوں سلاہندے ہوئے آکھیا کہ نیشنل ہائی وے تے موٹروے پولیس اپنی کم کاری پاروں ملک دے ہور اداریاں وانگ اک مثالی ادارا اے۔
