کابل(پاکستان پوائنٹ نیوز(01۔ستمبر2016ء) افغان انٹیلی جنس ایجنسی نے جلال آباد وچ آپ مارو حملے دی کوشش ناکام بناندے ہوئے دو پاکستانی آپ مارو حملا آوراں نوں گرفتار کرن دا دعوا کیتا اے۔ افغان میڈیا دے مطابق مشرقی صوبا ننگرہار دے دارلحکومت جلال آباد وچ انٹیلی جنس ایجنسی این ڈی ایس نے کارروائی کردے ہوئے آپ مارو حملے دی کوشس ناکام بنا دِتی۔
این ڈی ایس ولوں جاری بیان وچ آکھیا گیا اے کہ گرفتار ہون والے آپ مارو 2 حملا آوراں دی شناخت شاکر اللہ تے سجاد دے ناں نال ہوئی اے جو پشاور دے رہن والے نیں۔ این ڈی ایس دعوا اے کہ دوویں حملا آوراں نے اعتراف کیتا اے کہ اوہناں نے پشاور دے مدرسے وچ تعلیم حاصل کیتی۔ این ڈی ایس دا ہور کہنا سی کہ دوویں حملا آوراں نوں طورخم توں افغانستان وچ ہون دے بعد گرفتار کیتا گیا۔
