کراچی(پاکستان پوائنٹ نیوز28۔نومبر2017ء) سندھ ہائی کورٹ نے شاہ زیب قتل کیس دے مرکزی ملزم شاہ رخ جتوئی تے اوہدے ہور ساتھیاں دی موت سزا نوں کالعدم قرار دیندے ہوئے آکھیا اے کہ شاہ رخ جتوئی تے اوہدے ساتھیاں نوں سزا سنائی گئی‘ سزا ویلے شاہ رخ جتوئی دی عمر 18سال توں گھٹ سی تے ایہ مقدمابالاں دے مقدمیاں وچ آؤندا سی، عدالت نے مقدمے توں دہشت گردی دیاں دفعات ختم کردے ہوئے مقدمے نوں نویں سِروں سیشن عدالت وچ گھل دتا اے۔
تفصیل مطابق 5سال پہلاں کراچی دے علاقے ڈیفنس وچ ہون والے شاہ زیب قتل کیس وچ نواں موڑ آ گیا اے۔ قتل دے مرکزی ملزم دی موت سزا نوں عدالت نے کالعدم قرار دے دتا اے۔ شاہ زیب قتل کیس دے مرکزی ملزم شاہ رخ جتوئی تے اوہدے ہور ساتھیاں نے اپنی سزا خلاف سندھ ہائی کورٹ وچ اپیل دائر کیتی سی۔ کیس دی سنو ائی دوران ملزم دے وکیل فاروق ایچ نائیک نے دلائل دیندے ہوئے آکھیا کہ انسداد دہشت گردی عدالت نے قانونی تقاضے پورے کیتے بغیر شاہ رخ جتوئی تے اوہدے ساتھیاں نوں موت دی سزا سنائی، سزا ویلے شاہ رخ جتوئی دی عمر 18سال توں گھٹ سی تے ایہ مقدمہ بالاں دے مقدمیاں وچ آؤندا سی جدکہ کیس دے تفتیشی افسر نے شاہ رخ جتوئی دا جو پیدائشی سرٹیفکیٹ پیش کیتا سی اوہدے اُتے وی والد دا غلط ناں درج سی، ایہ جھیڑا وی ذاتی نوعیت دا سی ایس لئی اوہدا ٹرائل انسداد دہشت گردی عدالت وچ نہیں بندا۔
عدالت نے شاہ رخ جتوئی، سراج تالپور تے غلام مرتضی دی سزا نوں کالعدم قرار دیندے ہوئے مقدمے وچوں دہشت گردی دفعات ختم کردے ہوئے مقدمے نویں نویں سِروں سیشن عدالت وچ گھل دتا اے۔
