کسٹم انسپکٹر قتل کیس: ماڈل ایان علی نوں دہشت گردی عدالت نال رابطا کرن دی ہدایت

راولپنڈی(پاکستان پوائنٹ نیوز(یکم۔ستمبر2016ء) راولپنڈی دی مقامی عدالت نے کسٹم انسپکٹر قتل کیس دی ملزم ایان علی نوں انسداد دہشت گردی عدالت نال رابطا کرن دی ہدایت کر دِتی۔ راولپنڈی دے علاقا مجسٹریٹ گلفام لطیف بٹ نے کسٹم انسپکٹر اعجاز چودھری قتل کیس وچ ایان علی دے بیان ریکارڈ کران دی درخاست اُتے سنوائی کیتی۔ ایس دوران ایان علی عدالت وچ پیش ہوئی، ایان علی دے وکیل ولوں موقف اختیار کیتا گیا کہ ایان علی دے وارنٹ گرفتاری سپریم کورٹ نے معطل کیتے ہوئے نیں، ایس مقدمے وچ ویلا ضائع کیتا جا رہیا اے۔ جدکہ فاضل جج نے مقدمے وچ انسداد دہشت گردی ایکٹ دیاں دفعات شامل ہون پاروں ماڈل گرل نوں انسداد دہشت گردی عدالت نال رابطا کرن دا حکم دے دِتا۔