حیدر آباد(پاکستان پوائنٹ نیوز27۔نومبر2017ء) رہنما پیپلز پارٹی منظور وسان نے آکھیا اے کہ آؤندی حکومت نوں وی دھرنیاں کارن اوکڑاں دا ساہمنا کرنا پئے گا، عمران خان دی حکومت وچ مولانا فضل الرحمان دھرنا دین گے۔ پیر دے دیہاڑے منظور وسان نے چالو سیاسی صورتحال اُتے اپنے بیان وچ آکھیا کہ زاہد حامد پہلے استعفا دیندے تے حالات اینے خراب نہ ہوندے اتے نہ ای ملک نوں نقصان نہ اپڑدا۔
دھرنیاں دا ایہ سلسلا رُکن والا نہیں آؤندی حکومت نوں وی دھرنیاں دی وجہ توں اوکڑاں دا ساہمنا کرنا پئے گا۔ اوہناں دا کہنا سی کہ عمران خان دی حکومت آئی تے مولانا فضل الرحمان دھرنا دین گے۔ مولانا فضل الرحمان دے دھرنے اُتے عمران خان کیہ کرن گے ؟اوہناں د ا کہنا سی کہ مشرف دے الائنس تے جے یو آئی توں پیپلز پارٹی نوں کوئی خطرہ نہیں اے۔
