بجلی پیدا کرن والے مہنگے پاور پلانٹس بند کر رہے آں: وزیر مملکت پانی و بجلی عابد شیر علی

لاہور(پاکستان پوائنٹ نیوز24۔نومبر2017ء) وزیر مملکت پانی و بجلی عابد شیر علی نے آکھیا اے کہ بجلی پیدا کرن والے مہنگے پاور پلانٹس بند کر رہے آں، کوئی پاور پلانٹ تیل دی کمی دی توجہ توں بند نہیں ہو رہیا ، حکومت نے لوڈشیڈنگ دا دورانیہ دو ، تن گھنٹیاں توں ودھن نہیں دتا، جتھے بجلی چوری ہوئے گی اوتھے لوڈشیڈنگ جاری رہوے گی، پاور لومز والے سانوں آکھدے نیں کہ لوڈشیڈنگ کرو۔

جمعے دے دیہاڑے میڈیا نال گل بات کردے ہوئے وزیر مملکت عابد شیر علی نے آکھیا کہ ماضی دی کسے حکومت نے بجلی لئی کوئی کم نہیں کیتا، پرانے پاور پلانٹس دی وجہ توں مسئلے آ رہے نیں، جہدی وجہ توں بجلی پیدا کرن والے مہنگے پاور پلانٹس بند کر رہے آں۔ اوہناں نے آکھیا کہ حکومت نے لوڈشیڈنگ دا دورنیہ دو‘ تن گھنٹیاں توں ودھ نہیں کیتا۔ عابد شیر علی دا کہنا سی کہ جتھے بجلی چوری ہوئے گی اوتھے لوڈشیدنگ جاری رہوے گی۔