وزارت داخلا نے ڈاکٹر عاصم حسین دا ناں ای سی ایل وچوں کڈھ دتا

اسلام آباد(پاکستان پوائنٹ نیوز23۔نومبر2017ء) وزارت داخلا نے ڈاکٹر عاصم حسین دا ناں ای سی ایل وچوں کڈھدے ہوئے نوٹی فکیشن وی جاری کر دتا اے۔ میڈیا رپورٹس مطابق وفاقی وزارت داخلا نے سپریم کورٹ دے حکم اُتے پیپلز پارٹی دے رہنما ڈاکٹر عاصم حسین دا ناں ایگزکٹ کنٹرول لسٹ وچوں کڈھ دتا اے۔ یاد رہوے کہ پیپلز پارٹی دے رہنما اُتے احتساب عدالت ولوں فرد جرم عائد ہون دی وجہ توں ناں ای سی ایل وچ پا دتا گیا سی۔ پر اج سپریم کورٹ دے حکم اُتے وزارت داخلا نے ڈاکٹر عاصم حسین دا ناں ای سی ایل وچوں کڈھ دتااے۔جہدے مگروں ہن اوہ علاج لئی باہرلے ملک جا سکدے نیں۔