پاک فوج نے ساڈی مدد دے نتیجے وچ دہشت گرداں نوں ہرایا، اسیں مدد نہ کردے تے فوج نوں کدی کامیابی نہ ملدی: مولانا فضل الرحمان دا دعوا

بنوں(پاکستان پوائنٹ نیوز21۔نومبر2017ء) مولانا فضل الرحمان ولوں دعوا کیتا گیا اے کہ پاک فوج نے ساڈی مدد دے نتیجے وچ ای دہشت گرداں نوں ہرایا۔ تفصیل مطابق جمعیت علماء اسلام (ف) دے سربراہ مولانا فضل الرحمان ولوں دعوا کیتا گیا اے کہ اوہناں دی حمایت دے بنا پاک فوج دہشت گرداں نوں نہیں ہرا سکدی سی۔ مولانا فضل الرحمان دا کہنا سی کہ ساڈی سکیورٹی فورسز نے دہشت گردی خلاف جنگ جِتی تے ایہ جے یو آئی (ف) دی مددتوں بنا ممکن نہیں ہو سکدا سی۔ اوہناں دا ہور کہنا سی کہ دہشت گردی خلاف جنگ وچ آرمی وانگ ملک وچ علماء و سیاسی کارکناں دی وڈی گنتی نے وی اپنی جاناں قربان کیتیاں۔ مولانا فضل الرحمان دا ہور کہنا سی کہ ملک وچ کوئی وی جماعت جے یو آئی (ف) دی مدد توں بنا حکومت قائم نہیں کر سکدی۔