فنڈز نہ ملن کارن (ن) لیگ دے پنجاب توں 40یو سی چیئرمینز نے استعفا دین دی دھمکی دے دتی

لاہور(پاکستان پوائنٹ نیوز17۔نومبر2017ء) فنڈز نہ ملن کارن (ن) لیگ دے پنجاب توں 40یو سی چیئرمینز نے استعفا دین دی دھمکی دے دتی اے۔ تفصیل مطابق کئی ایم این ایز تے ایم پیو ایز مگروں پنجاب توں (ن) لیگ دے 40 یو سی چیئرمینز نے وی پارٹی قیادت خلاف بغاوت کر دتی اے۔ فنڈز نہ ملن اُتے (ن) لیگ دے پنجاب توں 40 یو سی چیئرمینز نے استعفا دین دی دھمکی دے دتی اے۔ یو سی چیئرمینز ولوں پارٹی قیادت توں مطالبہ کیتا گیا اے کہ سانوں حلقیاں وچ کم کروان لئی فنڈز دتے جان۔ جے انج نا کیتا گیا تے اسیں اپنے عہدیاں تے پارٹی رکنیت توں استعفا دے دیواں گے۔ ایس ساری صورتحال وچ پارٹی قیادت نے حنیف عباسی نوں ناراض یو سی چیئرمینز نوں منان دا ٹاسک دے دتا اے۔ پر اجے تیکر حنیف عباسی وی اوہناں نوں نہیں منا سکے۔