اسلام آباد(پاکستان پوائنٹ نیوز13۔نومبر2017ء) پاک فوج ولوں افغانستان وچ دہشت گرداں دے ٹھکانیاں نوں نشانہ بنائے جان دی اطلاع ملی اے۔ افغان میڈیا ولوں ملن والیاں اطلاعواں مطابق پاک فوج نے افغانستان وچ دہشت گرداں دے ٹھکانیاں نوں نشانہ بنایا اے۔ پاک فوج نے پاک افغان سرحدی علاقیاں وچ دہشت گرداں دے خفیہ ٹھکانیاں نوں نشانہ بنایا۔ دہشت گرداں دے خفیہ ٹھکانیاں نوں نِکے میزائلاں نال نشانہ بنایا گیا۔
کارروائی دوران کئی دہشت گرداں دے ہلاک تے ٹھکانے تباہ ہون دی اطلاع اے۔ پر ایس حوالے نال عسکری وسیلیاں ولوں کسے قسم دی تصدیق نہیں کیتی گئی۔یاد رہوے اج افغاستان ولوں دہشت گرداں نے باجوڑ ایجنسی دے سرحدی علاقے وچ چیک پوسٹ اُتے حملا کیتا۔ حملے دے نتیجے وچ کیپٹن جنید حفیظ تے سپاہی رحیم شہید جدکہ چار اہلکار زخمی ہوئے۔آئی ایس پی آر مطابق پاک فوج نے حملے دا جواب دیندے ہوئے دہشت گرداں نوں ہلاک کردتا۔ پر اوہناں دے کُجھ ساتھی افغانستان ول فرار ہو گئے سن۔
