لاہور(پاکستان پوائنٹ نیوز13۔نومبر2017ء) عوامی مسلم لیگ دے سربراہ شیخ رشید نے آکھیا اے کہ 1999وچ مولانا طارق جمیل نے کابینہ وچ دعا کروائی تے حکومت ختم ہو گئی۔ عوامی مسلم لیگ دے سربراہ شیخ رشید دا کہنا سی کہ مولانا طارق جمیل آخری بندے سن جہناں نے 1999وچ ساڈی وفاقی کابینہ نال خطاب کیتا تے شام نوں ساڈی حکومت ٹُٹ گئی تے اسیں سارے گھر واپس آگئے سی۔
نجی ٹی وی دے پروگرام وچ جدوں شیخ رشید توں سوال کیتاگیا کہ میاں نواز شریف نے مولانا طارق جمیل توں دعا کروائی اے کہ اوہناں دے حق وچ سبھ بہتر ہو جائے۔ جہدے اُتے سربراہ عوامی مسلم لیگ شیخ رشید دا کہنا سی کہ مولانا طارق جمیل میری لئی آدر جوگ نیں۔ میں آپ وی 40دن تبلیغی جماعت نال گیا۔ پر 1999وچ جدوں مولانا طارق جمیل نے آخری ویلے وچ ساڈی کابینہ وچ آکے درس دتا تے دعا کروائی ،تے اگلے دن ای ساڈی حکومت ختم ہو گئی، ملک وچ مارشل لاء لگ گیا۔ مطلب طارق جمیل آخری بندے سن جہناں نے ساڈی وفاقی کابینہ نال خطاب کیتا سی تے شام نوں ساڈی حکومت ٹُٹ گئی تے اسیں سارے گھر واپس آ گئے ساں۔
