دبئی(پاکستان پوائنٹ نیوز10۔نومبر2017ء) پاکستانی عوامی اتحاد دے ناں توں نواں سیاسی الائنس بنا دتا گیا، سابق صدر مملکت پرویز مشرف پاکستان عوامی اتحاد دے چیئرمین متھے گئے۔ میڈیا رپورٹس مطابق آل پاکستان مسلم لیگ دے سربراہ و سابق صدر مملکت جنرل (ر) پرویز مشرف نے پاکستان عوامی اتحاد دے ناں توں نواں سیاسی اتحاد بنا دتا اے۔ اوہناں نے اج پاکستان عوامی اتحاد دے رہنماواں نال خطاب کردے ہوئے آکھیا کہ پاکستان عوامی اتحاد دا چیئرمین میں آں۔
اوہناں دا کہنا سی کہ پاکستان وچ نویں سیاسی قوت بننی چاہیدی۔ میں ایم کیم ایم نہیں بناں گا پر نویں سیاسی اتحاد وچ وچ ایم کیو ایم تے پی ایس پی نوں شامل ہون دی دعوت دینا واں۔ ایم کیو ایم والے قومی دھارے وچ آ جان۔ اوہناں نے آکھیا کہ مہاجر ناں چھڈ کے اپنے آپ نوں پاکستانی آکھن۔ ایم کیو ایم مہاجراں نوں بدنام کر رہی اے۔ اوہناں نے آکھیا کہ سبھ طاقتاں اکٹھیاں ہوکے ساڈے نال رل جان۔ایس موقعے تے پرویز مشرف نے آکھیاکہ نواز شریف دا سیاسی مستقبل ختم ہو گیا اے۔ مسلم لیگ (ن) وچ فاروڈ بلاک بن رہیا اے۔ مسلم لیگ (ن) توں وکھ باقی سارے سیاسی دھڑے اکٹھے ہو جان تے پاکستان دی نویں فورس بن سکدی اے۔پرویز مشرف دا کہنا سی کہ مسلم لیگ (ن) نے پنجاب تے پیپلز پارٹی نے سندھ وچ تباہی مچائی۔
