اسلام آباد(پاکستان پوائنٹ نیوز30۔اگست 2016ء) وفاقی وزیر برائے پانی و بجلی خواجا آصف نے منگل دے دیہاڑے وزیر اعلا سندھ نال ملاقات کیتی۔ ملاقات دوران خواجا آصف دا کہنا سی کہ سندھ وچ لوڈ شیڈنگ دی شکایت دور کراں گے تے ایہدے لئی حکمت عملی بنائی جا رہی اے۔منگل دے دیہاڑے ہون والی ملاقات وچ سندھ دے بقایا جات دے معاملے، لوڈشیڈنگ وچ کمی تے کراچی وچ امن و امان دے حوالے نال تفصیل گل بات کیتی گئی۔
دوجے پاسے وزیر اعلا سندھ نے ملاقات دے بعد گل بات کردے ہوئے آکھیا کہ وزیر پانی و بجلی خواجا آصف نال مفید ملاقات وچ لوڈشیڈنگ دے حوالے نال گل بات ہوئی اے، تے اوہناں نوں دسیا گیا اے کہ سندھ دے پینڈو علاقیاں وچ لوڈ شیڈنگ بہت زیادہ اے جہدے تے اوہناں نے لوڈشیڈنگ نوں گھٹ کرن دی یقین دہانی کروائی اے۔
