اسلام آباد(پاکستان پوائنٹ نیوز08۔نومبر2017ء) ماہر قانون و ایڈووکیٹ سپریم کورٹ عارف چودھری نے آکھیا اے کہ سابق وزیر اعظم نواز شریف دی نااہلی بارے دائر نظر ثانی درخاست دا فیصلے آن مگروں اوہناں دی دھی مریم صفدر ولوں درعمل دا آنا ویکھن نوں توہین عدالت اے۔ نجی ٹی وی دے پروگرام وچ گل بات کردے ہوئے ایڈووکیٹ عارف چودھری نے آکھیا کہ نواز شریف تے اوہناں دی دھی مریم صفدر دی گل بات توں اجیہا محسوس ہوندا اے کہ اک دُکاندار اقتدار وچ رہیا تے اوہنے وزارت عظمی نوں دُکانداری دی طرحاں ای چلایا۔
اوہناں نے آکھیا کہ جے کوئی بندہ ملک وچ حکمرانی کر چکیا ہوئے تے فیر اوہ ایہ آکھے کہ مینوں 5ججاں نے کڈھ دتا تے اوہدے توں واضح ہو جاندا اے کہ اوس بندے نے ملک لئی کُجھ نہیں کیتا بلکہ صرف اپنی دُکان چلائی اے۔ عارف چودھری نے واضح کیتا کہ کسے صورت وی عدالت دی توہین نوں برداشت نہیں کیتا جائے گا۔ اوہناں نے آکھیاکہ فیصلا آؤندے ای مریم صفدر دا ایہ کہنا کہ ایہ کسے دباء دا نتیجہ اے۔
