کراچی(پاکستان پوائنٹ نیوز06۔نومبر2017ء) فیڈرل بورڈ آف ریونیو (ایف بی آر ) نے پیراڈائز لیکس وچ شامل پاکستانیاں توں تحقیقات لئی نوٹس جاری کرن دا فیصلاکر لیا اے،ایف بی آر دا کہنا اے کہ سارے پاکستانیاں دے ناواں دا جائزہ لواں گے۔ میڈیا رپورٹس مطابق ترجمان ایف بی آر نے واضح کیتا اے کہ پیراڈائز لیکس وچ جس پاکستانی دا وی ناں آیا اے اوہدے خلاف تحقیقات ہون گیاں۔
پیراڈائز لیکس وچ آن والے پاکستانیاں نوں نوٹس جاری کراں گے پر اجے اجیہے لوکاں دے ناواں دا جائزہ لے رہے آں۔ یاد رہوے کہ آئی سی آئی جی ولوں جاری کردہ ’پیراڈائز لیکس‘ وچ سابق وزیر اعظم شوکت عزیز سنے تقریبن 135پاکستانیاں دے ناں ساہمنے آئے نیں۔ پیراڈائز لیکس وچ پاکستانیاں دے حوالے نال ملن والا بہتا ریکارڈ برمودا‘ برٹش ورجن آئی لینڈ‘کیمین آئی لینڈ‘ مالٹا تے ہور ملکاں توں ملیا اے۔
