لاہور(پاکستان پوائنٹ نیوز04۔نومبر2017ء) سپیکر قومی اسمبلی سردار ایاز صادق نے آکھیا اے کہ آئین و قانون وچ ٹیکنو کریٹ سیٹ آپ دی کوئی گنجائش نہیں، کُجھ لوکاں نے واسکٹ تے نویں سوٹ سوا لئے نیں، میاں نواز شریف عدالت وچ ضرور پیش ہون گے، نواز شریف نوں پروٹوکول نہیں سکیورٹی دتی جاندی اے۔ اوہناں نے اج میڈیا نال گل بات کردے ہوئے آکھیا کہ آئین و قانون وچ ٹیکنو کریٹ سیٹ اپ دی کوئی گنجائش نہیں اے۔
جو ووٹ نال اقتدار وچ نہیں آ سکدے اوہناں دی ایہ خاہش اے۔ ٹینکو کریٹ سیٹ اپ دی گل کرن والے نہیں چاہندے کہ پاکستان اندر جمہوریت مضبوط ہوئے۔ اوہناں نے واضح کیتا کہ کُجھ لوکاں نے واسکٹ تے نویں کوٹ سوا لئے نیں پر ایہ سارا کُجھ اُنجے دا اُنجے پیا رہوے گا۔ اوہناں نے آکھیا کہ اسحاق ڈار ہسپتال وچ زیر علاج نیں۔ اوہناں دی طبیعت وِگڑ گئی اے۔ سپیکر قومی اسمبلی نے آکھیا کہ نواز شریف نال ملاقات وچ سیاسی صورتحال بارے وچار وٹاندرا کیتا گیا اے۔میاں نواز شریف عدالت وچ ضرور پیش ہون گے۔ اوہناں د ا ہور کہنا سی کہ نواز شریف نوں پروٹوکول نہیں سکیورٹی دتی جاندی اے۔
