وزیر اعظم شاہد خاقان عباسی خلاف آؤندے کُجھ دناں وچ تحریک عدم اعتماد پیش ہون جا رہی اے

اسلام آ باد(پاکستان پوائنٹ نیوز01۔نومبر2017ء) نجی ٹی وی دے پروگرام وچ گل بات کردے ہوئے مشہور پرچا کار ڈاکٹر شاہد مسعود نے آکھیا اے کہ وزیر اعظم شاہد خاقان عباسی خلاف آؤندے کُجھ دناں وچ تحریک عدم اعتماد پیش ہون جا رہی اے۔ جہدے مگروں آصف زرداری نے ایہ فیصلا کرنا اے کہ اوہناں نے واپس آنا اے یاں اگانہ جانا اے۔ ڈاکٹر شاہد مسعود دا کہنا سی کہ ہن جو وزیر اعظم شاہد خاقان عباسی خلاف تحریک عدم اعتماد پیش ہون جا رہی اے اوہدے اُتے شاہد خاقان عباسی آپ وی چُپ کر کے ایہو چاہن گے کہ اوہ تحریک کامیاب ہو جائے تاں جے اوہ نواز شریف دی گڈ بک وچ وی رہن تے ایہ وی ہوئے کہ اوہناں اسمبلی نہیں توڑی۔

اوہناں دا کہنا سی کہ ہن لندن وچ بِہ کے نواز شریف سوچ رہے ہون گے کہ میں جے ملک واپس جاواں گا تے کون میرے نال ہوئے گا؟